A yw'r cwrs yn iawn i mi?

Hoffech chi ddysgu am y diwydiannau chwaraeon a hamdden gan ddatblygu'ch ffitrwydd a'ch sgiliau chwaraeon ar yr un pryd?

Ar y cwrs hwn cewch wybodaeth am y diwydiant yn ogystal â chyflwyniad i bynciau'n ymwneud â gwyddor chwaraeon, hyfforddiant ffitrwydd a rhaglenni ymarfer corff. Mae hefyd yn cynnwys digon o weithgareddau ymarferol a hyfforddi.

Byddwch yn astudio pynciau megis: Profi Ffitrwydd a Hyfforddiant Ffitrwydd, Cymorth Cyntaf, Maetheg ac Anatomi a Ffisioleg.

Gofynion mynediad:

  • 3 TGAU gradd D neu uwch ac 1 TGAU gradd E, yn cynnwys Mathemateg a Saesneg neu Gymraeg (iaith 1af) gyda gradd D neu E
  • neu
  • Diploma Lefel 1 mewn pwnc perthnasol
  • Cyfweliad

Cyflwyniad:

Cyflwynir y rhaglen drwy gyfuniad o’r dulliau a ganlyn:

  • Gwaith grŵp
  • Dysgu yn y dosbarth
  • Cefnogaeth tiwtor
  • Ymweliadau addysgol
  • Amgylchedd dysgu rhithwir (MOODLE)

Asesiad:

  • Asesiadau/aseiniadau ymarferol ac ysgrifenedig
  • Cyflwyniadau ac arddangosiadau
  • Arholiadau
  • Portffolios gwaith
  • Perfformio ac arsylwi

Dilyniant:

Os gwnewch gwblhau’r cwrs hwn yn llwyddiannus, bydd gennych amryw o ddewisiadau o ran addysg a gwaith.

Gallech fynd ymlaen i ddilyn nifer o raglenni yng Ngrŵp Llandrillo Menai, gan gynnwys:

  • Gwasanaethau Cyhoeddus Lefel 3
  • Chwaraeon (Addysg Awyr Agored) Lefel 3
  • Chwaraeon (Perfformiad a Rhagoriaeth) Lefel 3
  • Chwaraeon (Gwyddor Chwaraeon ac Ymarfer Corff) Lefel 3
  • Chwaraeon (Hyfforddi, Datblygu a Ffitrwydd) Lefel 3

Os byddwch am fynd yn syth i waith, bydd gennych nifer o ddewisiadau yn y sectorau cyhoeddus a phreifat.  Gallech fynd i'r diwydiant hamdden, y diwydiant iechyd a ffitrwydd, y lluoedd arfog neu'r gwasanaethau argyfwng. Gallech hefyd geisio dilyn gyrfa fel athletwr proffesiynol neu rannol broffesiynol.